Sunday, June 17, 2012

కాలం

గడియారం నుండి జారిపోతున్న ప్రతీ క్షణాన్ని
ఒడిసి పట్టి గుండెల్లో బంధించేస్తున్నాను -అనుభూతుల రూపం లో

ప్రతీ క్షణం వెళుతూ వెళుతూ తన
విలువను పెంచుకుంటోంది -గతమై మిగిలి

నేడు లో మరణించింది... అయినా
నిన్న లో కుడా గొప్ప గా బ్రతికేస్తుంది -చరిత్ర 

http://snehama.blogspot.in

Friday, June 15, 2012

చిరుగాలి కోపానికి..

అలుపు తీర్చే చిరుగాలి
అలిగి సుడిగాలైపోతే
చిగురుటాకులా వణికిపోతున్నాను..!
కానీ..
ఈ సుడిగాలి జడివాన కురిపించి
సాహిత్యపు మొలకలెత్తిస్తుంటే
ఆ ధారల్లో తడిసి మురిసిపోతానుగానీ
ఎండుటాకులా దూరం గా ఎగిరిపోను

నేటి మనిషి

రాయి కనబడితే చాలు...
ఆగి మొక్కేస్తాం !
అదే రాయి
బియ్యంలో కనిపిస్తే...
శాపాలు పెట్టేస్తాం !!

కన్నీళ్ళు

పొదుపుగా
వాడుకోవాల్సింది..
నీళ్ళనే కాదు,
కన్నీళ్ళని కూడా!!!

Thursday, June 14, 2012

అద్దంమీద బొట్టుబిళ్ళ

ఊరెళ్ళిన
మా ఆవిడని
పదే పదే గుర్తుచేస్తూ
వెక్కిరిస్తోంది....
అద్దంమీద బొట్టుబిళ్ళ!!!

మనసు

ఈ మనసెప్పుడూ ఇంతే...
ఇచ్చేదాకా ఏడుస్తుంది!
ఇచ్చేశాక ఏడిపిస్తుంది!!

బాధ

మనసులో బాధ..
నీకు చెప్పుకుందామంటే
గొంతు మూగబోయింది!
కనీసం...
కన్నీళ్ళకైనా
మాటలొస్తే 
బాగుణ్ణు!!!