మనసు పలికే మౌనరాగం
Thursday, June 14, 2012
అద్దంమీద బొట్టుబిళ్ళ
ఊరెళ్ళిన
మా ఆవిడని
పదే పదే గుర్తుచేస్తూ
వెక్కిరిస్తోంది....
అద్దంమీద బొట్టుబిళ్ళ!!!
మనసు
ఈ మనసెప్పుడూ ఇంతే...
ఇచ్చేదాకా ఏడుస్తుంది!
ఇచ్చేశాక ఏడిపిస్తుంది!!
బాధ
మనసులో బాధ..
నీకు చెప్పుకుందామంటే
గొంతు మూగబోయింది!
కనీసం...
కన్నీళ్ళకైనా
మాటలొస్తే
బాగుణ్ణు!!!
రేపటి కానుక
నిజాన్ని అద్దంలోంచి చూస్తూ
అబద్దంలో
హాయిగా తిరిగేస్తున్నాం
ఆకలి కేకలు వింటూ
అయ్యోపాపమంటూ
నిట్టూర్చి వదిలేస్తున్నాం
సుఖాన్ని పెంచుకుని
సంతోషాన్ని కుదించుకుని
మరమనుషుల్లా మిగిలిపోతున్నాం
విలువమారే కాగితాన్ని చూపిస్తూ
మాకేం తక్కువంటూ
ఎదురు ప్రశ్నలు వేస్తున్నాం
ఎంతో విజ్ఞానం సంపాదించి
అంతటి విశ్వాన్ని చేధించి
పచ్చటి దారిలో ముళ్ళ తివాచీలేస్తున్నాం
రేపటి తరానికి ఎడారుల్ని కానుకిస్తున్నాం
Wednesday, June 13, 2012
ఓణీ... పరికిణీ...
ఓణీ... పరికిణీ...
తెలుగు కన్నెపిల్లకు
అర్ధాంతన్యాసాలంకారాలు
అప్పుడే మీసాలు మొలుస్తున్న
కుర్రాడికి...
ఓణీయే ఓంకారం !!
పరికిణీయే పరమార్థం !!
Wednesday, November 9, 2011
నీ స్నెహం
సాగర తీరం చల్లని పవనం
వెచ్చని కిరణం కోకిల గానం
మయూర నాట్యం
అన్ని కలిసిన ప్రక్రుతి అందం నీ స్నెహం
Friday, October 28, 2011
ప్రేమ
ఏం మాయ చేసేవే నా గుండెకి,
నను వీడి చేరింది నీ గూటికి.
ఏం సోగసు చూపేవే నా కంటికి,
జగమంత నిను చూపింది నా చూపుకి.
...
ఏం మంత్రం వేశవే నా పెదవికి,
నీ పేరు తపిస్తుంది ప్రతి ఘడియకు.
ఏం ప్రేమ నిచ్చావే నా మనసుకి,
గతమంత తొలిచింది ఆ బరువుకి.
ఏం విరహం పంచావే నా ప్రేమకి,
నను ఒంటరిని చేసింది లోకానికి.
Newer Posts
Older Posts
Home
Subscribe to:
Posts (Atom)