Wednesday, February 16, 2011

ఎదురుచూపు..

మాటల కొటలలో నిన్నే మైమరిపించి
చేతల నాట్యం లో నిన్నే సవరించి
మదురమైన వేలలో కనులని ముద్దాడి
కలవరపడి కనులు తెరవగా సమయం సందించింది
నీ ఊహ నా మదిని భందించింది
మరల కనులు మూయగా రాత్రి నవ్వి పగలుతో చేయి కలిపింది
నా చేరువైన ఆనందాన్ని మరల తన చీకటిలో దాచేసుకుంది
మళ్ళీ రాత్రి కోసం నా మది వేయి కన్నులతో ఎదురుచూస్తుంది.. !

Monday, July 26, 2010

మేఘ సందేశం

నీవు లేని ఏకాంతంలో
నిదురే రాని నిశి రాతిరిలో
కదలిక మరచిన కాలంతో
బదులు పలకని శూన్యంతో
అలుపెరగని తలపులతో
అల్లరి చేసే ఊహలతో
చేస్తోంది మనసు సమరం
చేరలేక నీ హృదయ ద్వారం
పంపాను మేఘాలతో సందేశం
మన్నించి దరిచేరవా నేస్తం!
Originally posted in

కన్నీటి స్నేహం~కాలంతో పయనం

ఎదురవుతావన్న ఆశ లేదు
ఎదురీతకి దారి లేదు
ఎదురించే శక్తీ లేదు
ఎద భారం చేసిన ప్రేమ మాత్రం మిగిలే వుంది
ఎదురుచూపులోనే యుగాలు గడిపేస్తోంది
ఏ తోడూ అందిరాక
ఎడబాటుకే బంధువై
ఏ నీడా కానరాక
ఎండమావికి చేరువై
గుండెకోత మిత్రునితో
కన్నీటి స్నేహం చేస్తూ
కాలంతో కలిసి పయనిస్తోంది
Original Post From

అందం... ఆనందం..

కళ్ళకి కాటుక అందం,
మనసుకి మాట అందం,
చెక్కిళ్ళకి సిగ్గు అందం,
పెదవులకు మౌనం అందం,
చేతికి గోరింటాకు అందం,
కాళ్ళకి పారాణి అందం...

అని ఎవరు చెప్పారు?

నీ చిటికిన వేలు పట్టుకొని,
ఏడు అడుగులు నడుస్తున్న సమయం,
యదలో పొంగే కెరటాలతో,
బుగ్గలో మొగ్గలు విరియగా,
అధరాల పైన చిరు నవ్వుతో,
కళ్ళళ్ళో మెరిసే మెరుపు కదా...

అసలైన అందం... ఆనందం..
Taken from